എല്ലുകള്‍ക്ക് നല്ല ഉറപ്പ് ഉണ്ടാകുവാനും എല്ല് തെയിമാനം ഒഴിവാക്കാനും

എ​ല്ലു​ക​ളു​ടെ കട്ടി​കു​റ​ഞ്ഞു ദു​ർ​ബ​ല​മാ​കു​ന്ന അ​വ​സ്ഥ​യാ​ണ് ഓ​സ്റ്റി​യോ പൊ​റോ​സി​സ്. എ​ല്ലു​ക​ളി​ൽ ദ്വാ​ര​ങ്ങ​ൾ വീ​ഴു​ന്നു. ഡെ​ൻ​സി​റ്റി കു​റ​ഞ്ഞു​വ​രു​ന്നു. പ​ല​പ്പോ​ഴും എ​ല്ലു​ക​ളു​ടെ തേ​യ്മാ​നം തു​ട​ക്ക​ത്തി​ൽ തി​രി​ച്ച​റി​യ​പ്പെ​ടാ​റി​ല്ല. എ​ല്ലു​ക​ൾ​ക്കു പൊട്ട​ൽ സം​ഭ​വി​ക്കു​ന്ന ഘട്ടം എ​ത്തു​ന്പോ​ഴാ​ണ് ഓ​സ്റ്റി​യോ പൊറോ​സി​സ് ക​ണ്ടെ​ത്ത​പ്പെ​ടു​ക.

ചി​ല​പ്പോ​ൾ മു​തു​ക്, ന​ടു​വ് ഭാ​ഗ​ങ്ങ​ളി​ൽ അ​സ​ഹ്യ​മാ​യ വേ​ദ​ന അ​നു​ഭ​വ​പ്പെട്ടേക്കാം. പ്രാ​യ​മാ​കു​ന്ന​തു​മാ​യി ബ​ന്ധ​പ്പെട്ട് എ​ല്ലാ​വ​രി​ലും എ​ല്ലു​ക​ളു​ടെ ഡെ​ൻ​സി​റ്റി കു​റ​ഞ്ഞു​വ​രാ​റു​ണ്ട്. അ​തു ക്ര​മേ​ണ ഓ​സ്റ്റി​യോ​പൊ​റോ​സി​സി​ലേ​ക്ക് എ​ത്തു​ന്നു. സ്ത്രീ​ക​ളു​ടെ എ​ല്ലു​ക​ൾ​ക്ക് പു​രു​ഷന്മാരു​ടെ എ​ല്ലി​നെ അ​പേ​ക്ഷി​ച്ചു കട്ടി ​കു​റ​വാ​ണെ​ന്ന​തും സ്ത്രീ​ക​ൾ​ക്ക് 50 വ​യ​സി​നു ശേ​ഷം ആ​ർ​ത്ത​വ​വി​രാ​മം നേ​രി​ടേ​ണ്ടി വ​രു​ന്നു എ​ന്ന​തും സ്ത്രീ​ക​ളി​ൽ ഓ​സ്റ്റി​യോ പൊറോ​സി​സ് സാ​ധ്യ​ത വ​ർ​ധി​പ്പി​ക്കു​ന്നു.

എ​ല്ലു​ക​ൾ പൊട്ടാ​നും ഒ​ടി​യാ​നു​മു​ള​ള സാ​ധ്യ​ത ഇ​വ​ർ​ക്കു കൂ​ടു​ത​ലാ​ണ്. പ്രാ​യ​മാ​യ​വ​ർ, സ്ത്രീ​ക​ൾ, ആ​ർ​ത്ത​വം നി​ല​ച്ച​വ​ർ, പു​ക​വ​ലി​ക്കാ​ർ തു​ട​ങ്ങി​യ​വ​രി​ലാ​ണ് രോ​ഗ​സാ​ധ്യ​ത കൂ​ടു​ത​ൽ.കാ​ൽ​സ്യം, വി​റ്റാ​മി​ൻ ഡി ​സ​പ്ലി​മെ​ൻ​റു​ക​ൾ ന​ൽ​കി​യും മ​റ്റു​മ​രു​ന്നു​ക​ളി​ലൂ​ടെ​യും വ്യാ​യാ​മ​ങ്ങ​ളി​ലൂ​ടെ​യും രോ​ഗ​ശാ​ന്തി സാ​ധ്യ​മാ​ണ്. പ​ര​സ്യ​ങ്ങ​ളി​ൽ ക​ണ്ണ​ട​ച്ചു വി​ശ്വ​സി​ച്ച് മ​രു​ന്നു​ക​ൾ സ്വീ​ക​രി​ക്കു​ന്ന​ത് ഉ​ചി​ത​മ​ല്ല. സ്വ​യം​ചി​കി​ത്സ പാ​ടി​ല്ലെ​ന്ന് അ​ർ​ഥം. എ​ല്ലു​രോ​ഗ വി​ദ​ഗ്ധ​നെ സ​മീ​പി​ച്ച് ചി​കി​ത്സ തേ​ടു​ക.

വി​റ്റാ​മി​ൻ ഡി, ​കാ​ൽ​സ്യം തു​ട​ങ്ങി​യ പോ​ഷ​ക​ങ്ങ​ളു​ടെ കു​റ​വ്, പു​ക​വ​ലി, എ​ന്നി​വ ഓ​സ്റ്റി​യോ​പൊ​റോ​സി​സ് സാ​ധ്യ​ത കൂട്ടുന്നു. കോ​ർട്ടി​ക്കോ സ്റ്റി​റോ​യ്ഡു​ക​ൾ, ആ​ന്‍റിഇ​ൻ​ഫ്ള​മേ​റ്റ​റി മ​രു​ന്നു​ക​ൾ എ​ന്നി​വ​യു​ടെ നി​ര​ന്ത​ര ഉ​പ​യോ​ഗ​വും എ​ല്ലു​ക​ളു​ടെ നാ​ശ​ത്തി​ന് ഇ​ട​യാ​ക്കു​ന്ന​താ​യി പ​ഠ​ന​ങ്ങ​ളു​ണ്ട്.

ചെ​റു​പ്പ​ത്തി​ൽ എ​ല്ലു​ക​ൾ​ക്കു​ള്ള ക​രു​ത്ത് മ​ധ്യ​വ​യ​സി​ൽ കു​റ​ഞ്ഞു​വ​രു​ന്നു. പ്ര​ത്യേ​കി​ച്ചും ആ​ർ​ത്ത​വവി​രാ​മം വ​ന്ന സ്ത്രീ​ക​ളി​ൽ എ​ല്ലു​ക​ളു​ടെ കട്ടി കു​റ​യു​ന്നു. ദു​ർ​ബ​ല​മാ​കു​ന്നു. പൊ​ട്ടലി​നും ഒ​ടി​വി​നു​മു​ള​ള സാ​ധ്യ​ത​യേ​റു​ന്നു. പ്ര​തി​രോ​ധം ഒ​ന്നു​മാ​ത്രം; എ​ല്ലു​ക​ളെ ബ​ല​പ്പെ​ടു​ത്താ​ൻ സ​ഹാ​യ​ക​മാ​യ ഭ​ക്ഷ​ണ​ക്ര​മം സ്വീ​ക​രി​ക്ക​ണം.

ഹൃ​ദ​യ​ത്തി​ൽ സൂ​ക്ഷി​ക്കാ​ൻ 

കാ​ൽ​സ്യം ധാ​രാ​ള​മ​ട​ങ്ങി​യ ഭ​ക്ഷ​ണം ശീ​ല​മാ​ക്കാം. കാ​ൽ​സ്യം സ​മൃ​ദ്ധം കൊ​ഴു​പ്പു നീ​ക്കി​യ പാ​ൽ, തൈ​ര് തു​ട​ങ്ങി​യ പാ​ലു​ത്പ​ന്ന​ങ്ങ​ൾ, സോ​യാ​ബീ​ൻ ഉ​ത്പ​ന്ന​ങ്ങ​ൾ, വെ​ണ്ട​യ്ക്ക, ബീ​ൻ​സ്, ബ​ദാം പ​രി​പ്പ്, മ​ത്തി, ഇ​രു​ണ്ട പ​ച്ച നി​റ​മു​ള്ളഇ​ല​ക്ക​റി​ക​ൾ, ഓ​റ​ഞ്ച് ജ്യൂ​സ് തു​ട​ങ്ങി​യ​വ…

വി​റ്റാ​മി​ൻ ഡി ​അ​ട​ങ്ങി​യ ആ​ഹാ​ര​വും എ​ല്ലു​ക​ളു​ടെ ക​രു​ത്തു കൂട്ടാ​ൻ സ​ഹാ​യ​കം.

വി​റ്റാ​മി​ൻ ഡി ​സ​മൃ​ദ്ധം ആയി അടങ്ങിയിരിക്കുന്ന ഭക്ഷണങ്ങള്‍ 

അ​യ​ല തു​ട​ങ്ങി​യ മീ​നു​ക​ൾ, മീ​നെ​ണ്ണ(​കോ​ഡ് ലി​വ​ർ ഓ​യി​ൽ), സോ​യാ​ബീ​ൻ ഉ​ത്പ​ന്ന​ങ്ങ​ൾ, മുട്ട, ​കൂ​ണ്‍, പ​ഴ​ങ്ങ​ൾ, പ​ച്ച​ക്ക​റി​ക​ൾ, ത​വി​ടു ക​ള​യാ​ത്ത ധാ​ന്യ​ങ്ങ​ൾ, കൊ​ഴു​പ്പു നീ​ക്കം ചെ​യ്ത പാ​ലും പാ​ലു​ത്പ​ന്ന​ങ്ങ​ളും, ന​ട്സ്….

ശ്രദ്ധിക്കുക 

ഇ​രു​ണ്ട പ​ച്ച​നി​റ​മു​ള​ള ഇ​ല​ക്ക​റി​ക​ളി​ലെ മ​ഗ്നീ​ഷ്യം എ​ല്ലു​ക​ൾ​ക്കു ഗു​ണ​പ്ര​ദം.ഓ​റ​ഞ്ച് ജ്യൂ​സ് ക​ഴി​ക്കു​ന്ന​ത് ഉ​ചി​തം. അ​തു ധാ​രാ​ളം കാ​ൽ​സ്യം ശ​രീ​ര​ത്തി​ലെ​ത്തി​ക്കും.50 വ​യ​സി​നു മേ​ൽ പ്രാ​യ​മു​ള​ള​വ​ർ പാ​ട നീ​ക്കി​യ പാ​ൽ ഡ​യ​റ്റീ​ഷ​ൻ നി​ർ​ദേ​ശി​ക്കു​ന്ന അ​ള​വി​ൽ ഉ​പ​യോ​ഗി​ക്ക​ണം. കാ​ൽ​സ്യ​മാ​ണ് എ​ല്ലു​ക​ൾ​ക്കു ഗു​ണ​മു​ള​ള പാ​ലി​ലെ മു​ഖ്യ​പോ​ഷ​കം. പാ​ലു​ത്പ​ന്ന​ങ്ങ​ളും അ​തു​പോ​ലെ ത​ന്നെ. പ​ക്ഷേ, കൊ​ഴു​പ്പു നീ​ക്കി ഉ​പ​യോ​ഗി​ക്ക​ണം.മ​ത്തി, നെ​ത്തോ​ലി എ​ന്നി​വ​യെ​പ്പോ​ലെ ചെ​റു മു​ള​ളു​ള​ള മീ​നു​ക​ൾ കാ​ൽ​സ്യം സ​ന്പ​ന്നം. മീ​ൻക​റി​വ​ച്ചു ക​ഴി​ക്കു​ക​യാ​ണ് ഉ​ചി​തം.

ഇ​രു​ണ്ട പ​ച്ച നി​റ​മു​ള​ള ഇ​ല​ക്ക​റി​ക​ളി​ലും കാ​ൽ​സ്യം ധാ​രാ​ളം. ഇ​ല​ക്ക​റി​ക​ൾ ശീ​ല​മാ​ക്ക​ണം.കാ​ൽ​സ്യം ധാ​രാ​ള​മ​ട​ങ്ങി​യ മ​റ്റൊ​രു ഭ​ക്ഷ്യ​വ​സ്തു​വാ​ണ് സോ​യാ​ബീ​ൻ. ഗോ​ത​ന്പു​മാ​വി​നൊ​പ്പം സോ​യാ പൗ​ഡ​ർ ചേ​ർ​ത്തു ച​പ്പാ​ത്തി ത​യാ​റാ​ക്കാം. സോ​യാ ബീ​ൻ​സ്, സോ​യാ ബോ​ൾ എ​ന്നി​വ​യും വി​പ​ണി​യി​ൽ സു​ല​ഭം.

ആ​ർ​ത്ത​വ​വി​രാ​മം വ​ന്ന സ്ത്രീ​ക​ൾ സോ​യാ​ബീ​ൻ ക​ഴി​ക്കു​ന്ന​ത് എ​ല്ലു​ക​ളു​ടെ ക​രു​ത്ത് നി​ല​നി​ർ​ത്തു​ന്ന​തി​നു സ​ഹാ​യ​കം.വാ​ൽ​നട്ട് പോ​ലെ​യു​ള​ള ന​ട്സ് ഇ​ന​ങ്ങ​ളി​ൽ ഒ​മേ​ഗ 3 ഫാ​റ്റി ആ​സി​ഡു​ക​ൾ ധാ​രാ​ളം. ഇ​ത് എ​ല്ലു​ക​ളു​ടെ ആ​രോ​ഗ്യ​ത്തി​ന് ഉ​ത്ത​മം.ന​ട്സി​ലെ പ്രോട്ടീ​ൻ എ​ല്ലു​ക​ളു​ടെ ക​രു​ത്തു കൂട്ടുന്ന​തി​നു സ​ഹാ​യ​കം. ചെ​റു​പ​യ​ർ, വ​ൻ​പ​യ​ർ, കൂ​വ​ര​ക് എ​ന്നി​വ​യും ആ​ഹാ​ര​ക്ര​മ​ത്തി​ൽ ഉ​ൾ​പ്പെ​ടു​ത്തു​ക.​കൂ​വ​ര​ക് ക​ഴു​കി ഉ​ണ​ക്കി പൊ​ടി​ച്ചു കു​റു​ക്കാ​ക്കി ഉ​പ​യോ​ഗി​ക്കാം.

ഉ​പ്പ് മി​ത​മാ​യി ഉ​പ​യോ​ഗി​ക്കു​ക. ഉ​പ്പു കൂ​ടി​യ ഭ​ക്ഷ​ണം അ​മി​ത​മാ​യാ​ൽ മൂ​ത്ര​ത്തി​ലൂ​ടെ കാ​ൽ​സ്യം അ​ധി​ക​മാ​യി ന​ഷ്ട​മാ​വും.സൂ​ര്യ​പ്ര​കാ​ശ​ത്തിന്‍റെ സാ​ന്നി​ധ്യ​ത്തി​ൽ ശ​രീ​രം ഉ​ത്പാ​ദി​പ്പി​ക്കു​ന്ന വി​റ്റാ​മി​ൻ ഡി ​ശ​രീ​രം കാ​ൽ​സ്യം ആ​ഗി​ര​ണം ചെ​യ്യു​ന്ന പ്ര​വ​ർ​ത്ത​ന​ത്തെ സ​ഹാ​യി​ക്കു​ന്നു.

വി​റ്റാമി​ൻ ഡി ​സ​പ്ലി​മെ​ൻ​റു​ക​ൾ ഡോ​ക്ട​റു​ടെ നി​ർ​ദേ​ശം കൂ​ടാ​തെ സ്വി​ക​രി​ക്ക​രു​ത്.ഡോ​ക്ട​റു​ടെ നി​ർ​ദേ​ശ​പ്ര​കാ​ര​മു​ള​ള വ്യാ​യാ​മ​രീ​തി​ക​ളും എ​ല്ലു​ക​ളു​ടെ ക​രു​ത്തു കൂട്ടുന്നു. എല്ലുകളുടെതേ​യ്മാ​നം കു​റ​യ്ക്കു​ന്നു. ക​രു​ത്തു​ള​ള പേ​ശി​ക​ൾ രൂ​പ​പ്പെ​ടു​ന്നു. വീ​ഴ്ച, ഒ​ടി​വ് എ​ന്നി​വ​യ്ക്കു​ള​ള സാ​ധ്യ​ത കു​റ​യ്ക്കു​ന്നു. പ​ക്ഷേ, ക​ടു​ത്ത ഓ​സ്റ്റി​യോ പൊ​റോ​സി​സ് രോ​ഗി​ക​ൾ വ്യാ​യാ​മ​മു​റ​ക​ൾ സ്വ​യം സ്വീ​ക​രി​ക്ക​രു​ത്. ചെ​ടി​ ന​ന​യ്ക്ക​ൽ, ന​ട​ത്തം പോ​ലെ​യു​ള​ള ല​ഘു​വാ​യ പ്ര​വൃ​ത്തി​ക​ളും വ്യാ​യാ​മ​ത്തി​നു​ള​ള വ​ഴി​ക​ൾ ത​ന്നെ. ന​ട​ത്തം ഹൃ​ദ​യാ​രോ​ഗ്യം മെ​ച്ച​പ്പെ​ടു​ത്തു​ന്ന​തി​നും സ​ഹാ​യ​കം. സാ​ധ്യ​മാ​യ ജോ​ലി​ക​ൾ ഒ​ഴി​വാ​ക്ക​രു​ത്. ഷോ​പ്പിം​ഗി​നി​ടെ ചെ​റു ന​ട​ത്തം സാ​ധ്യ​മാ​ണ​ല്ലോ. അം​ഗീ​കൃ​ത യോ​ഗാ പ​രി​ശീ​ല​ക​നി​ൽ നി​ന്നു യോ​ഗ പ​രി​ശീ​ലി​ക്കു​ന്ന​തും ഉ​ചി​തം.

ഓ​ർ​ക്കു​ക

കാ​ൽ​സ്യം ഗു​ളി​ക​ക​ൾ ഡോ​ക്ട​റു​ടെ നി​ർ​ദേ​ശ​പ്ര​കാ​ര​മ​ല്ലാ​തെ ക​ഴി​ക്ക​രു​ത്. അ​ള​വി​ൽ അ​ധി​ക​മാ​യാ​ൽ വൃ​ക്ക​യി​ൽ ക​ല്ലു​ണ്ടാ​കു​ന്ന​തി​ന് സാ​ധ്യ​ത​യു​ണ്ട്.സം​സ്ക​രി​ച്ച മാം​സ​വി​ഭ​വ​ങ്ങ​ൾ ഒ​ഴി​വാ​ക്കു​ക. ശ​രീ​ര​ത്തി​ൽ നി​ന്നു കാ​ൽ​സ്യം ന​ഷ്ട​മാ​കു​ന്ന​തു ത​ട​യാ​ൻ അ​തു സ​ഹാ​യ​കം.കാ​പ്പി​യി​ലെ ക​ഫീ​നും കാ​ൽ​സ്യം ശ​രീ​രം ആ​ഗി​ര​ണം ചെ​യ്യു​ന്ന​തു ത​ട​യു​ന്നു. അ​തി​നാ​ൽ അ​മി​ത​മാ​യ കാ​പ്പി​കു​ടി ഒ​ഴി​വാ​ക്കു​ക.ആ​ൽ​ക്ക​ഹോളിന്‍റെ(​മ​ദ്യ​ത്തിന്‍റെ) ഉ​പ​യോ​ഗ​വും എ​ല്ലു​ക​ൾ​ക്കു ദോ​ഷ​ക​രം.

Be the first to comment

Leave a Reply

Your email address will not be published.


*